اختي تعاكس زوجي امامي

مررحبـــــــــــــــــــــــــــــــــــــــــــــ ــــــــــــــــــــــــــــــــا
كيفكـــــــــــــــــم ؟
حبيت اطرح موضوع كثيرا ما تعاني منه كل مرأة متزوجة
!!!معاكسة الزوج!!!
يمكن يكون مصطلح غريب لكن شوفو قصتي وبعدها اعطوني رايكـم في موقف زي هذا((طبعاَ هذي القصة لم تحدث لي))^_-
اتصلت مرة بنت خالتي عليا وقالت لي انها تبغى تجيني عشان نسهر مع بعض وقبلت وقلتلها استناكي
طبعا صار الإتصال قدام زوجي وهو جالس على اللابتوب
وسألته وما اعترض لانه خارج من البيت
بعد ساعتين تقريبا جات واستقبلتها وجلسنا نتكلم عن الحال
المهم انا استأذنت منها عشان زوجي يبغى يخرج ,ودعت زوجي عند الباب وقال لي قبل ما يخرج انو تركـ جهازه مفتوح لانه ما راح يطول برى
وانا الموضوع بالنسبة ليا متكرر لانه زوجي كثير يخرج ويتركه مفتوح, وبعد ما خرج زوجي قلتلها تعالي نجلس في الصالة عند التلفيزون لانه في برنامج احنا متابعينه
انا كنت بين الاعلانات اروح المطبخ اشرف على العشاء وقبل ما اوقف واروح المطبخ قالتلي ممكن استخدم اللابتوب وانا بعا قبلت عادي لانها بنت خالتي واكثر من اختي واغراض زوجي هيه اغراضي
المهم تركتها على الابتوب ورحت وطولت في المطبخ شوية
ورجعت وارتبكت لمن شافتني ما عرفت سبب الإرتباكـ لكن مشيتها
اتعشينا وتمت السهرة على خير
بعد ما خرجت الشككـ لعب في راسي على طول رحت للابتوب وفتحته ولقيت على ايميل زوجي رسائل زي هاي كيفكـ
ومعاكسات الي تحبها قلوبكم
انا انصدمت لمن شفت المرسل من ايميلها !!!
هذا معناته انها تعاكس زوجي وامام عيني
ومين اختي وبنت خالتي !!!
تقدروا تقولوا تفكيري انشل من الصدمة ,البنت الي وثقت فيها واستأمنتها على بيتي وممتلكاتي تخون ثقتي بمعاكساتها لزوجي!!
ومن صارت هذه القصة وانا محتارة ايش اعمل ؟؟

انا احترت ايش اعطيها حل ؟ اذا انتوا عندكم حلول ممكن تفيدونا
لا تحرموني من ردودكم لاني محتاجتها
سوري طولت عليكم
تقبلوا مني اجمل التحيات